სსიპ გორის მუნიციპალიტეტის სოფელ სკრის საჯარო სკოლა

         ქართული ენისა და ლიტერატურის მასწავლებელი – მაია ოქროშიაშვილი

                                                        პროექტის გეგმა

1.    პროექტის სახელწოდება:  ჩვენი სოფლის ისტორია;

2.    პროექტის ავტორი:  მაია ოქროშიაშვილი;

3.    პრობლემის ანალიზი: ·         სოფლის წარსულის ამსახველი ინფორმაციის ნაკლებობა, ახალგაზრდების დაბალი დაინტერესება სოფლის ისტორიის მიმართ და სოფელში ცხოვრების უპერსპექტივობის განცდა; ·         აქედან გამომდინარე, ისინი ნაკლებად არიან ჩართული სოფლის პრობლემების მოგვარებაში და უინტერესოდ ეკიდებიან სოფლის სამომავლო განვითარების შესაძლებლობას; ·         პროექტი ხელს შეუწყობს მოსწავლეების ინფორმირებას, უკეთ იცნობდნენ საკუთარი სოფლის ისტორიულ წარსულს და ობიექტურად შეაფასონ სამომავლო განვითარების გზები;

4.    პროექტის მიზანი: ინფორმირება, ახალგაზრდებში ინტერესის გაზრდა და                                      დაინტერესება საკუთარი სოფლის პრობლემების მიმართ; სოფლის                                   სამომავლო განვითარების პოტენციალის სწორად შეფასება;

5.    პროექტის ამოცანები: მოსწავლეთა ჯგუფების ჩამოყალიბება და მათზე მოვალეობების                                                გადანაწილება:      1-ლი ჯგუფი – არსებული ისტორიული წყაროების გაცნობა ინტერნეტისა და                            ბიბლიოთეკის საშუალებით,სოფლის ისტორიული ადგილების მონახულება                             შეხვედრები სოფლის ხანდაზმულ და ცნობილ  ადამიანებთან, გასაუბრება,                             თქმულებების, ლეგენდების ჩაწერა,ინტერვიუს აღება, მოპოვებული                              მასალის ორგანიზება;      მე-2 ჯგუფი – ვიზიტის ორგანიზება გორის სერგი მაკალათიას სახელობის ისტორიულ–                               ეთნოგრაფიულ მუზეუმში სოფლის ისტორიის ამსახველი მასალისა და                               სამუზეუმო ექსპონატების გაცნობის მიზნით; გასაუბრება და ინტერვიუს                               ჩაწერა მუზეუმის თანამშრომლისგან;      მე-3 ჯგუფი – ფოტომასალის მოძიება ისტორიულ წარსულზე, სხვადასხვა აქტივობის                               ამსახველი ახალი მასალის გადაღება; მუზეუმში სტუმრობისას, უფლების                               მიღების შემთხვევაში – სამუზეუმო მასალის გადაღება;      მე-4 ჯგუფი – ვიდეორგოლის, ტურისტული გზამკვლევის შექმნა, შემაჯამებელი                                პრეზენტაციის მომზადება ფართო საზოგადოებისათვის.

6.    მოსალოდნელი შედეგები: მოსწავლეები მიიღებენ მეტ ინფორმაციას,              დაინტერესდებიან ისტორიული წარსულით, გაეზრდებათ მოტივაცია,              აქტიურად ჩაერთობიან სოფლის პრობლემების მოგვარებაში; სწორად               შეაფასებენ სოფლის მომავლის განვითარების პერსპექტივას (მაგ. ტურიზმის               განვითარების კუთხით);

7.    მიზნობრივი ჯგუფები: მოსწავლეები, მასწავლებლები, მშობლები, სოფლის                                            ხანდაზმული და ცნობილი ადამიანები,, მუზეუმის                                             თანამშრომლები, საზოგადოება;

8.    ამოცანების განსახორციელებლად საჭირო საქმიანობები და ვადები: შეხვედრები და სოფლის მნიშვნელოვანი ისტორიული ძეგლების მონახულება ·         მოსწავლეები შეხვდებიან სოფლის ხანდაზმულ და ცნობილ ადამიანებს,                    გაესაუბრებიან,  ჩაიწერენ ინტერვიუს, მოინახულებენ სოფლის მნიშვნელოვან                    ადგილებს, გააკეთებენ ჩანაწერებს, მოახდენენ მოპოვებული მასალის                    ორგანიზებასა და დახარისხებას;               მუზეუმთან კონტაქტი ·         წინასწარ გაეცნობიან მუზეუმის ვებგვერდს (მუშაობის განრიგს,  საგანმანათლებლო პროგრამებს) დაგეგმავენ ვიზიტს  გორის სერგი                    მაკალათიას სახელობის ისტორიულ–ეთნოგრაფიულ მუზეუმში სოფლის                    ისტორიის ამსახველი მასალისა და სამუზეუმო ექსპონატების გაცნობის მიზნით;                      გაესაუბრებიან და ინტერვიუს ჩაიწერენ მუზეუმის თანამშრომლისგან;               ფოტო და ვიდეომასალის შეგროვება ·         მოიძიებენ ფოტომასალას ისტორიულ წარსულზე, გადაიღებენ სხვადასხვა             აქტივობის ამსახველ ახალ ფოტო და ვიდეოა მასალას; მუზეუმში სტუმრობისას,             უფლების მიღების შემთხვევაში – გადაიღებენ სამუზეუმო მასალას;        შემაჯამებელი პრეზენტაცია ·         მოძიებული მასალის საშუალებით შექმნიან ვიდეორგოლს, ტურისტულ გზამკვლევს, მოამზადებენ შემაჯამებელ პრეზენტაციას  ფართო საზოგადოებისათვის.

                    სსიპ გორის მუნიციპალიტეტის სოფელ სკრის საჯარო სკოლა

         ქართული ენისა და ლიტერატურის მასწავლებელი – მაია ოქროშიაშვილი

                                                        ექსკურსიის გეგმა

                           ექსკურსია  ვაჟა-ფშაველას  სახლ-მუზეუმში  ჩარგალში

საგანი	ქართული ენა და ლიტერატურა;
მოსწავლეთა ასაკი	13-14 წელი;
სასწავლო მიზანი	·         მოსწავლეებმა შეძლონ სიღრმისეულად დაკვირვება და ჩაწვდომა, თვალსაწიერის გაფართოვება ვაჟა-ფშაველას ცხოვრებისა და მოღვაწეობის შესახებ. ·         არაფორმალურ გარემოში სოციალური და თავისი თავის მართვის უნარების განვითარება. ·         შეძლონ ანალიტიკური და შემოქმედებითი უნარების განვითარება.
კავშირი მოსწავლეთა მიმდინარე სამუშაოებთან	მოსწავლეთა ინტერესის აღძვრა საექსკურსიო თემატიკისადმი. საგაკვეთილო თემიდან გამომდინარე სასწავლო-შემეცნებითი ვიზიტი. ვახსენებთ მუზეუმში ქცევისა და ეთიკის ნორმებს. მოსწავლეები თავს უყრიან უკვე შესწავლილ მასალას მწერლის ცხოვრებიდან და შემოქმედებიდან, მოიძიებენ ინფორმაციას ბიოგრაფიული დეტალების შესახებ, გაეცნობიან პირად წერილებს;
მოსამზადებელი სამუშაოები მასწავლებლებისათვის	თემის, მიზნისა და მარშრუტის გაცნობა, ქცევისა და უსაფრთხოების წესებზე ყურადღების გამახვილება, აქტივობების მომზადება და განაწილება მასწავლებლებსა და მშობლებზე ( 5 მოსწავლეზე 1 უფროსი), დროის ლიმიტისა და ადამიანური რესურსის განსაზღვრა, პირველადი დახმარებისათვის მზადყოფნა, შეთანხმება დირექციასთან, მძღოლთან კანონმდებლობის საფუძველზე, პასუხისმგებლობა გაუთვალისწინებელი რისკების შემთხვევაში; კითხვარები, ტესტები;
მოსამზადებელი სამუშაოები მოსწავლეებისათვის	ექსკურსიისათვის საჭირო და შესაფერისი ინვენტარისა და სამოსის შერჩევა, წინასწარ მასალის მოძიება და გაცნობა მასწავლებლის მითითებით,
რესურსები ექსკურსიისათვის	ფოტოაპარატი, ვიდეოკამერა, ტელეფონი, მარკერები, ფანქრები, სახატავი ფურცლები, წიგნაკი, კალამი;
აქტივობები ექსკურსიის დროს	მინი ლექცია, გონებრივი იერიში, ინტერვიუ მუზეუმის თანამშრომელთან, ლიტერატურული საღამოს მოწყობა, ვიდეო და ფოტო კოლაჟის შექმნა, ჩანახატის გაკეთება, კედლის გაზეთისთვის მასალის მომზადება.